D’r ligk al lang op Sjteyl ‘t verlange öm iets veur de jeug te doon. JSS waas d’r neet mier, kingervekansiewerk opereert veural in de zomer, we motte ouch iets hebbe veur de res van t jaor.
Van t ein gesjprek kwaam een anger gesjprek en zoeë waas d’r inens een leuk gruupke ontsjtaon met enthousiaste elders. Waovan sommige beej Jss hebbe gezaete en sommige actief zien beej kingervekansiewerk. Dus organisere zit in eur blood..
We besjloete det we thema feeste wille gaeve…neet zoemaar unne disco, en ouch neet iddere maond. T mot gen gewoonte waere en iets zien wao de kinger nao oet kenne kieke.
Halloween disco woort t.. Ton en Maria nuudigde os oet in de vriendenkring. Wiej fijn det we dao terecht kenne!! De decoratie waas binne een mum van tied geregeld. Neet normaal wiejvuul greij we beejein hadde. Facebookpagina gemak. Posters opgehange.. 4 november ginge we s’middigs versiere, geholpe door aaijere jeug die ouch vreejwillig gaer een sjteinke beej wilde drage. We hadden een Sjteylerse dj duo DJ Burg’r ouch jeug die dit initiatief een werm hert toe druueg!! En den aafwachte… komme d’r behalve os eige kinger ouch angere kinger op aaf? Bliej verras en efkes onger de indruk wiej op t drukste moment de teller op 65 kinger sjting…Wauw!! Wae had dit gedach? D’r woort gedanst.. gekletst, gesjpeuld, en gezonge..de kinger mochte zich lekker oetlaeve zoe weej zeej t wilde. Kepot muug waas t öm 23.00 oor schluss. Weej begoste vas met opruume en öm 0.30 oor koste we efkes met mekaar praote. Allemaol onger de indruk. Muug Maar vol energie öm dit door te zette… Haaij ôs in de gaate, want d’r kump nag vuuel mier!!
